حاصول مجاهد

حاصول مجاهد

بات شويش بالاعدادية

واقف في اشارة مرور

ماهو من رجال الداخلية

ولانه خبرة ماسكوه حتة زحمه

وسط ميدان لازبكية

لكن عم مجاهد نفسه

يتنقل م الشغله ديه

نفسه يروح حتة يلاقي

حد يعكمه الف او حته مية

اصل عنده بت علي وش جواز

و عيلين في الثانوية

ومش عارف يجهز البت

وهو ماحيلتوش غير الماهية

حاصول سمع عن قانون جديد

قال يا سلام ده رزق الولية

يا فرج الله كده هشور البت

و ادفع دروس الثانوية

اي حد ماشي مخالف او مش مخالف

لازمن ولابد يدفعلي مية

مش احسن ما يتسجن

او يدفعله بالقليل تلتمية

و يا بخت من نفع و استنفع

و شكرا يا وزير الداخلية