الواد علي ابن ابوك سلمان

شفت علي ابن أبوك الشيخ سلمان
اتعين مساعد في كتاب أبوك الشيخ حمدان
اهي شغله لجل يشيل أخواته من الحرمان
ويجيب شوار أخته ويجوزها
الواد ابن أبوك الشيخ مهران

وف يوم الشيخ حمدان صبح الفجريه كده مرضان
قاله واد يا علي خد لوح الارجواز و علم الصبيان
وأوعي تقول لحد انك مش حافظ ولا ايه م القرآن
دي شغله حلوه وتأكلك لحمه مش فول مع بتنجان
واللي يكلمك ولا يهمك طالما لابس العمة مع القفطان

الواد علي فرح وقال أخيرا هبقي في البلد من الأعيان
هبقي صبي شيخ ف كتاب أبويا الشيخ حمدان
اضرب العيال لو اتكلموا و أخد اتاوه م الغلمان
ومش بعيد كمان أصبح الصبح القي اسمي صبح حبر الزمان

وف يوم الواد علي ماشي علي الترعة شاف لمه م الخلان
راحلهم لاقاهم ناس وافقه مع ابوك إمام جامع الرحمن
وده راجل قاري يخاف الله مش بتاع وظيفة ولا مورستان
متعلم وبيشتغل الصبح خوجه و ماسك الجامع خدمه للإنسان

الواد يا ولداه اتجن ازاي يسئلوا حد غيري يا جدعان
ده أنا وكيل مساعد مشرف كتاب ابويا الشيخ حمدان
انا اللي بعلم عيالكم الادب ويحفظهم القرآن
انا اللي متعين بجد في وظيفه ميري
انا مش الراجل ده امام مسجد الرحمن

ام واحد من الوافقين بصلو بصه فيها الف سؤال حيران
وقاله انت بتتباهي انك مساعد مشرف في كتاب الشيخ حمدان
اذا كان الشيخ حمدان نفسه غير رأيه لجل عيون واحد الاعيان
لما قاله انا بسلف الخلق بالفايظ ايه رأيك يا سيدنا الشيخ حمدان
يعني بتتمنظر علي الفاضي يا ريتك بتتمنظر علي المليان
يا ريتك بتتحمي في راجل سليم
إلا انت ببتحامي في راجل يا حرام عيان

تامر خليفه

الله عليك ياتامر بصراحة جميلة ربنا مايحرمنا من موهبتك دى يارب

يا فندم الله يكرمك علي المجامله الجميله ده
ربنا لا يحرمنا تواجدك وكلامك الجميل

معبرة عن واقع مرير يعيشه المسلمون في هذا الزمن الصعب الذي أصبح الدين فيه بالوظيفة الرسمية ؛ وتصدر لدين الله تعالى من ليس اهلا لحمل الأمانة الشرعية الملقاه على عاتق العلماء الذين استحفظهم الله تعالى على أمر الدين .

وأصبحت الفتاوى تصدر من علماء السلطان لتحليل الحرام وتحريم الحلال ؛ كفتوى اباحة الربا الشهيرة ؛ وفتوى تجريم (بالجيم ) ختان الاناث لزيادة الفاحشة والعياذ بالله تعالى .

فالى الله المشتكى ؛ وحسبنا الله ونعم الوكيل.

جزاكم الله خيرا ؛ ولا حرمك الله الأجر ؛ وجعل كل ما تكتب في ميزان حسناتك.

جزانا الله وأياكم كل خير
سعدت بمرورك وتعليقك د: هشام

حقا كلماتك معبره على ما آلم بنا من أمور اخيره وتوضح مدى صدق المشاعر وتفاعلها مع المواقف الحياتية المختلفة..
وعموما ربنا يستر من كتاب الشيخ حمدان ومساعده حبر الزمان

شكرا لكلماتك ومرورك

السلام عليكم ورحمه الله اخى وحبيبى كم اسعدتنى كلماتك الرقيقه الرقراقه المعبره الهادفه وليده الموقف انا مش مصدق ان حد اعرفه اللى كاتب الكلام ده احنا هنغير الاسماء بتاعتك من عبقرينو وشاعر المنتدى ونخليك احمد فؤاد نجم بتاعنا يعنى تبقى شاعر منتدى الغلابه الله ينور عليك يا عم تاتو

ههههههههههههه

فؤاد نجم مره واحده
يا عم انا بشخبط بس
الله يكرمك يا علاء باشا
يا رافع معنوياتي
وبعدين ده انا اللي مش مصدق اني اعرف ناس بالجمال بتاعكم ده