رابطة الرواد

بجامعة القاهرة للتعليم المفتوح - فرع المنصورة

 
الرئيسيةمكتبة الصورالتسجيلدخول

شاطر | 
 

 عبد الله المصري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تامر السيد خليفة
عضو مميز جداً
عضو مميز جداً
avatar

عدد الرسائل : 74
العمر : 43
تاريخ التسجيل : 25/03/2008

مُساهمةموضوع: عبد الله المصري   الأربعاء مايو 07, 2008 8:29 am

عبد الله المصري

راجل موظف عايش

من صغره في حاله

كافي خيره شره

و راضي دايما بحاله

مرتبه كام جنيه

راضي يكون ده كل امواله

عايش ومستور

أو بيحاول يكون مستور من خلاله

لا يعرف سهر ولا بذخ

و لا يعرف يمينه من شماله

لا ليه في السياسة

و لا شغل بيها يوم باله

وفي يوم سمع خبر

مجرد خبر من راديو اوباله

خبر من راجل كبير في البلد

فرح و اتفائل بالخبر وقال ياخد منه فاله

عرف ان مرتبه هيزيد

من اول ما يطلع في السما هلاله

حسبها لاقي نفسه

هيزيد كام جنيه كده بحاله

فرح وقال أخيرا هاكل و اتشبرء

ويبان علي الوش جماله

هاكل لحمه ده أنا نسيت يا جدعان

الأكل إيه طعمه و أشكاله

ومش بعيد كمان أتجوز

وينول القلب بعد زيادة الراتب مناله

هو أنا مش إنسان برضه وليا نصيب

في الجواز والفرح الله وماله

وفضل يا ولداه في قصور الخيال يبني

وخياله بناله

و تاني يوم عرف من صحبه خبر اسود

وندم علي سؤاله

عرف ان أسعار البنزين هتغلي

ضحك وقال هأ هأ وماله

انا لا عندي عربيه ولا يهمني بنزين

مهما حطو ولا يوم شالو

صحيح يا ناس كل يبكي علي ليلاه

و كل يبكي علي مواله

لكن صاحبه قاله افهم يا عوبد

البنزين ليه في غلو الأسعار مثاله

الخضار الهدوم المواصلات

هتغلي يا عم ضعفين بحاله

السكر الشاي الزيت السمن

ادعيلنا بالستر من المولي بقدرته وجلاله

لو كنت بتشتري حاجه بجنيه

هتشتريها بعد كده بعشرين ! برضه هتقولي وماله ؟

واللي هيبعلك الأكل لا يقبل منك عذر

لاول الشهر ولا يقبل منك فصاله

عبده قال اعمل أيه يا خلق اسرق حتى لو سرقت

مش هعرف اسرق من سوق الجمال غير حباله

صاحبه من خوفه عليه حب يطمنه شويه

من الأسعار علي روحه و علي حاله

قاله اطمن يا عبده مش هيغلو السيجار

ولا الكافيار ولا عن سعره أي شيء قالوا

ولا السيمون فيميه ولا مش عارف اسمه ايه

برضه مافيش أي غلا جاله

عمنا عبده ضحك بصوت بكا و دموعه من الفرحه

بانت بعد ما اطمن علي الكافيار ايه حاله

وقال الحمد للـــــــــــــــــــــــــه

ربك بيقطع من هنا و يوصل من هنا بحكمته و جلاله

قدر ولطف وزي ما الفول غلي و العدس غلي

الكافيار و السيمون مش هيتشغل عليهم ابدا يوم باله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
على الباز على
عضو مميز جداً
عضو مميز جداً
avatar

عدد الرسائل : 88
العمر : 50
تاريخ التسجيل : 05/03/2008

مُساهمةموضوع: رد: عبد الله المصري   الأحد مايو 11, 2008 7:23 pm

الله ينور عليك ياتامر دايما بتمتعنا بحاجات جميلة ومعبرة جدا عن الواقع الذى نعيشه ومهما قولنا او كتبنا عن الاوضاع لن نستطيع ان نجملها فى سياق اجمل من ازجالك التى تلمس نبض الشارع وتعبر عنه ببساطة ويسر والله ان من اشد المعجبين بموهبتك مع تمنياتى لك بالتوفيق دائما

اخيك
على الباز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ياسر طلعت محمد
مشرف
مشرف
avatar

عدد الرسائل : 101
العمر : 43
تاريخ التسجيل : 05/03/2008

مُساهمةموضوع: رد: عبد الله المصري   الإثنين مايو 12, 2008 5:39 am


الاخ الفاضل : تامر خليفة
حقيقة جميل جدا تعبيرك عن حالنا وندعوا الله أن يرفع عنا الغلاء والوباء انه ولي ذلك والقادر علية
وارجوا أن تتقبل خالص تحياتي
ياسر طلعت

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تامر السيد خليفة
عضو مميز جداً
عضو مميز جداً
avatar

عدد الرسائل : 74
العمر : 43
تاريخ التسجيل : 25/03/2008

مُساهمةموضوع: رد: عبد الله المصري   الإثنين مايو 12, 2008 8:24 am

على الباز على كتب:
الله ينور عليك ياتامر دايما بتمتعنا بحاجات جميلة ومعبرة جدا عن الواقع الذى نعيشه ومهما قولنا او كتبنا عن الاوضاع لن نستطيع ان نجملها فى سياق اجمل من ازجالك التى تلمس نبض الشارع وتعبر عنه ببساطة ويسر والله ان من اشد المعجبين بموهبتك مع تمنياتى لك بالتوفيق دائما

اخيك
على الباز

الله يكرمك يا علي علي كلامك الجميل
للاسف هو ده واقعنا و رأي اغلب الشارع المصري
شكرا لمرورك و تعليقك الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تامر السيد خليفة
عضو مميز جداً
عضو مميز جداً
avatar

عدد الرسائل : 74
العمر : 43
تاريخ التسجيل : 25/03/2008

مُساهمةموضوع: رد: عبد الله المصري   الإثنين مايو 12, 2008 8:26 am

ياسر طلعت محمد كتب:




الاخ الفاضل : تامر خليفة


حقيقة جميل جدا تعبيرك عن حالنا وندعوا الله أن يرفع عنا الغلاء والوباء انه ولي ذلك والقادر علية


وارجوا أن تتقبل خالص تحياتي


ياسر طلعت





الاخ ياسر طلعت
حقيقة الاجمل هو مرورك و تعليقك
ونحن جميعا نؤمن معك في الدعاء لعل الله يرفع عنا الغلاء و الوباء
تامر خليفه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غادة سعد العشرى
مشرف
مشرف


عدد الرسائل : 162
العمر : 42
تاريخ التسجيل : 01/03/2008

مُساهمةموضوع: رد: عبد الله المصري   الأربعاء مايو 14, 2008 8:18 am

عبد الله المصرى وغادة المصرية وعلى الباز المصرى وياسر المصرى وتامر المصرى جميعا عبد الله المصرى كونك استطعت ان تنقش ما بداخلنا فى كلماتك بكل هذه الرقة والشفافية فأنت تستحق بعد عبد الله المصرى لقب شاعر الرواد..
يحضرنى قول اخر لشاعر عبد الوهاب زاهده يقول فيها...
رأيناهُ على التلفازْ يُخاطِبُنا ولم يرمش فحدثنا عن الإنجاز وعنْ إنمائهِ المُقرِشْ وكيفَ قضى على الإعوازْ فقالَ الشعبُ في المشمشْ مضى يوصي بنا الوزراءْ فلا جوعى ولا فقراءْ ولا مرضى ولا أوباء وكاد أمامنا يُجهِشْ فردَّ الشعبُ في المشمشْ ... وللراعي وللخباز قمبازٌ ودراعهْ فصاحَ مُذيعُهُ مدهشْ وردَّ الشعبُ في المشمشْ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تامر السيد خليفة
عضو مميز جداً
عضو مميز جداً
avatar

عدد الرسائل : 74
العمر : 43
تاريخ التسجيل : 25/03/2008

مُساهمةموضوع: رد: عبد الله المصري   الأربعاء مايو 14, 2008 8:25 am

غادة سعد العشرى كتب:
عبد الله المصرى وغادة المصرية وعلى الباز المصرى وياسر المصرى وتامر المصرى جميعا عبد الله المصرى كونك استطعت ان تنقش ما بداخلنا فى كلماتك بكل هذه الرقة والشفافية فأنت تستحق بعد عبد الله المصرى لقب شاعر الرواد..
يحضرنى قول اخر لشاعر عبد الوهاب زاهده يقول فيها...
رأيناهُ على التلفازْ يُخاطِبُنا ولم يرمش فحدثنا عن الإنجاز وعنْ إنمائهِ المُقرِشْ وكيفَ قضى على الإعوازْ فقالَ الشعبُ في المشمشْ مضى يوصي بنا الوزراءْ فلا جوعى ولا فقراءْ ولا مرضى ولا أوباء وكاد أمامنا يُجهِشْ فردَّ الشعبُ في المشمشْ ... وللراعي وللخباز قمبازٌ ودراعهْ فصاحَ مُذيعُهُ مدهشْ وردَّ الشعبُ في المشمشْ

ربنا يكرمك علي التعليق الجميل
لكني لم اقصد نفسي بعبد الله المصري لكن قصدت به كل مصري وليس شخص معين لان اعتقد ان اغلب الشارع المصري له نفس الراي
فرحنا بالزياده المنتظره لكن للاسف وكالعاده تعب هي الحياه

شكرا لمرورك و تعليقك الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عبد الله المصري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة الرواد :: القسم التعليمي :: المنتدي الثقافي :: منتدى ابدعات الأعضاء-
انتقل الى: